Big B-i pa sapur Africa tsür ka dang tatok meshi

November 09, 2015: Kanga dang nüngtugu Bollywood film actor Amitabh Bachchan-i ‘wheelchair’ nung dang alir, pa sapur Souh Africa tsür nisung tajung ka den majuruteptetba asoshi tatok meshiogo.

Arishi küm 73 tain, Amitabh Bachchan-i twitter ajanga iba tetsür indang noksa ana lemsatepogo aser item noksa nungji lai, “Ni South Africa nungi lir aser ni nü den ajurutepner,” ta zülua lir.

Amitabh Bachchan-i, “Ni lokti aika aliba tesem nung iba tettsür majurutetba asoshi kü mulungjang taroktiba agi tatok meshir, ajisüaka ni la ajurutsü merangtsü,” ta Deobar anepdang shia pa sapurtem den par kima ajurutepba mapang ashi.

“Piku” film nung tongti shilem agisang, Amitabh-isa par kima pa sapurtem sendenba noksa-a ka twitter ajanga lemsatepogo.

Iba noksa nung pai, “Kü taküm nung shilem ka ama alirtem ajak den kü temeim lemsateper,” ta zülua lir.