Big B-i shilem agiba ‘Pink’ film UN nunga sayutsü

Mumbai, November 26, 2016 : Megastar Amitabh Bachchan-i shilem agiba aser tetsür dak tim masü benshiba anema nokdangba film ‘Pink’ United Nations Headquarter, New York nunga sayutsü (special screening).
Arishi küm 73 tain, actor Amitabh-i iba film nung okatsür shilem agia lir aser pai iba film UN nung sayutsü osangji Twitter ajanga metetdaktsü.
“Pink film UN Head Quarters, New York nung sayutsü atema Assistant Secretary General-i asüngdangba atema kanga pelar,” ta Amitabh-i tweet asü.
Iba courtroom drama ya Aniruddha Roy Chowdhury-i direct asü, Ritesh Shah-i zülu aser Rashmi Sharma o Shoojit Sircar na sentepa produce asü.
“Pink” film nung Taapsee Pannu, Andrea Tariang aser Kirti Kulhari nungeria tongti shilemtem agia lir aser iba film ya September 16, 2016 nü saya.