Februay 25, 2016 : Megastar Amitabh Bachchan ya tang temang tera majungba ajanga kidang lir aser pai ashiba agi pai iba mapang amshia script zünga, tebilemba lemsatepba aser project tasentem atema anogo shimteta amunger.
Arishi küm 73 tain, Amitabh Bachchan ya tang Ribhu Dasgupta-i direct asüba film ‘TE3N’ tangokzükli anisüngzükba mapang lir.
“Tang temang tendangba tensa nung gym-i aoba, anendaka aliba mapatem tembangtsü, tangari züluba langzütsü aser project tasen atema tang mapang ya kanga mazüngi lir,” ta Big B-i official blog nung lemsatep.
Cinema nung kanga nüngtugusangi pa temang meilungi tajungba kümdar, ta tawa lemsatepa liasü.
‘Piku’ film nung shilem agisang, Amitabh Bachchan-i “extended family” mesüra “Ef” ta ajaba, pa sapurtem aser tembartem shirnoki pa menemi aliba mapa pa den yaritepogo parnok ajak den kanga pelaba lemsatepogo.
“Kü temeim Ef temi parnok shisatsü tajung aser purapitetba ajanga ni ajungmesoba ya tesüngmangtsüka lir…parnoki iba ya asoshi mapang jenti laluogo südi ta ni amanger aser ibaji atema ni parnok dang kangasa pelaba lemsateper…ajisüaka nia iba technology inyakyim ya angazüka parnok amai inyakner,” ta pai ashi.
You must be logged in to post a comment Login