Big Bachchan-i R Balki indang film tasenba nung shilem ka agitsü

July 19, 2015: Film yanglur R Balki-i pa indang film tasenba nung Arjun Kapoor aser Kareena Kapoor Khan nati tongti shilem agitsü aser Amitabh Bachchan-ia shilem temeja ka agitsü, ta sangdongogo.
Tang tashi nungbo film nüngjaji agüja mali. Iba film nung Arjun-i tang mezüngsüa “Bajrangi Bhaijaan” actress Kareena Kapoor den shilem külemi agitsü.
“Kobo melii kü indang film tasenba Kareena aser Arjun na den tangok tenzüktsü. Iba film nung Bachchan-a densema lir. Iba film nung pai temeja shilem tajung ka agitsü. Pa medenibo iba film ya tamakoktsü ka asütsü,” ta Balki-i osangbenertem dan ashi.
Film director Balki-i Bachchan kanga sapur aser “Cheeni Kum”, “Paa” aser “Shamitabh”, film tem nung dena külemi inyaksemogo.