Big Bang Theory nung shilem agirtemi sen teimba aazük

Los Angeles, September 23 (Agencies) : Forbes-i kümshia bushitetba Television highest-paid actors nung The Big Bang Theory nung shilem agirtem – Kunal Nayyar, Jim Parsons, Johnny Galecki aser Simon Helberg nungertem temaba jenjang nung lir.
Taküm agi kümnabuba Parson tematiba jenjang nung lir. Pai June 1, 2015 aser June 1, 2016 tsüngda USD 25.5 million aazük. Iba ya The Big Bang Theory contract nungi anguba lir.
Parsons aser pa den shilem agir Galecki nati episode shia USD million ka ka aazük. Iba sülen tanububa nung Galecki-i USD 24 million, tasembuba nung Helberg-i USD 22.5 million aser pezübuba nung Nayyar-i USD 22 million aazük.
Parnok sülen, punguba jenjang nung NCIS: Naval Criminal Investigative Service nung shilem agir Mark Harmon-i USD 20 million aazük.