Big Screen Awards nung Alia Bhatt yiru

New Delhi, December 15 (Agencies) : Deobarnü Mumbai nung Big Screen Awards alidang actress Alia Bhatt yirua mozü kidangi anir oa anepalu ta osang angazüker.
Iba sentong nung la firecracker ka ajanga teka arong aser first-aid agütsüba sülen mozükidangi anir ao.
Tanü Alia-i Twitter nung la sapurtem dang pelaba aser la junga aliba osang metetdaktsü.
“Nenok ajak dang kanga pelar. Ibala tatalokba ajanga asenok lendong nungi jenbua mali ta sayur. Ajisüaka, ibala lendong ya noktangtettsü. Kü tejak junga lir ta osang metetdaktsür” ta Alia-i ashi.
Times of India osang ajanga ashiba agi, firecracker ka Alia tsütsüi arua apokdang lai teka agi noktang aser indangji la teka abelenlen yiru.
La kanga timtem saka la indang recording tembanga agiba sülen ang la anepaludaktsü, ta osang ajangasa metetdaktsü.
Alia-i tatemsabuba agiba film ji Shaandaar liasü aser iba film nung lai Shahid Kapoor den külemi shilem agia liasü. La tang Kapoor and Sons, Udta Punjab aser Gauri Shinde-i direct asüba film ka nung shilem tagidak lir.