Bihar Angh asoshi Ram Nath Kovind tenangüzkba agiogo

Patna, August 16 (Agencies): Taoba mapang Rajya Sabha züngsem aser Dalit lenir, Ram Nath Kovind Honibar nü Bihar Angh asoshi tenangzüükba agiogo.
Patna High Court acting chief justice, Iqbal Ahmad Ansari-i ketdangsüa Bihar nung Angh 36 buba Kovind nem tenangzükba agidakja liasü.
Iba sentong nung state Chief minister Nitish Kumar den tongti ketdangsertema kar dena liasü.
Iba dak sentakba nung osangbenertemi asüngdangba ka langzüdang Kumar-i, “Ni pa state-i pela jaoker,” ta ashi.
Anaben tashi RS züngsem aser tamalen BJP SC&ST wing tongti lenir Kovind ya Uttar Pradesh state nungi lir.
Tenangzükba sentong nung state nungi Union minister Vijay Sapla aser BJP lenirtem-Sushil Kumar Modi, Nand Kishore Yadav, Manoj Tiwari aser state BJP Tir Mangal Pandey nungera denogo.
Bihar Angh menden ya tamalen West Bengal Angh Keshari Nath Tripathi-i repsema bena liasü.