Bihar assembly election atema Left party 6 longjemogo

Patna (Bihar), September 07 (Agencies): Taruba hopta ishika tsüngda Bihar nung assembly election agitsü mapang ana nung lia Left Party trok longjemogo, aser parnok longjemer BJP-i aniba National Democratic Alliance (NDA) aser state Chief minister Nitish Kumar-i aniba JD(U)-RJD-Congress secular teloktep na den tokteptsü.

Left party tem-i, state asoshi lungkak aitba ka onoki tenzüker aser ibaji ajanga feudal, communal aser corporate force tem tamakok ngudaktsütsü, ta ashi.

Tanü Bihar nung teloktep ka küma longjemba Left party temji Communist Party of India (CPI), CPI(M), CPI(ML), Socialist Unity Centre of India (SUCI)(Communist), All India Forward Bloc aser Revolutionary Socialist Party (RSP) party tem lir, aser assembly menden 243 parnok party tsüngda alemtsü atema tang tejembitak lir.

Party trok nungjagi lenirtemi sabang ka nungi party nung inyakertem den jembia liasü aser ibaji “people’s political convention” lir ta parnoki ashi.

Iba senden nung jembidang CPI(ML) general secretary Dipankar Bhattacharya-i, “Küm aika onoki iba maongka ata-a aruogo. Kechiba Left party tem melungjemteter ta nüburtemi onok dangsa asüngdangogo. Bihar assembly election nung Ato kilonser Narendra Modi-i aniba BJP aser National Democratic Alliance (NDA) teloktep den secular teloktep- RJD-JD(U)-Congress tamakok ngudaktsütsü asoshi tanübo onok longjemogo,” ta ashi.

Samajwadi Party-ibo parnok nem menden lemzüktsüba nung temelung mesüi Secular teloktep toktsüogo.

Paisa, 2014 küm tu election agiba küm ka liasü, ajisüaka 2015 küm yabo BJP aser RSS anema linük tesem ajaklen lungkak aitba küm ka lir, ta ashi.

Bhattacharya-isa, RJD tongti lenir Lalu Prasad-i state nung Dalit nübur tepsettertem den longjemer ta aitsüogo.