Bihar assembly election nung shilem magitsü: Nitish Kumar

Patna, August 03 (Agencies): Hombar nü Bihar Chief Minister Nitish Kumar-i, pai taruba state assembly election nung shilem magitsü, ta shiogo.

Tanü Assembly kima osangbenertem den jembidang Bihar CM Kumar-i, “Ni assembly election nung shilem magitsü saka election nüboyimba nung kü mapang ajak agütsütsü,” ta metetdaktsü.

Janata Dal-United (JD-U), Rashtriya Janata Dal (RJD), Congress aser National Congress Party (NCP) teloktepi taruba assembly election nung chief minister candidate atema tang teinyaktak Chief minister Kumar shima lir.

“Election nüboyim sentongji ni anitsü,” ta paisa ashi.

State nung assembly election taküm September tatemlen nungi October tetenzük tashi ka nungbo agitsü sentong lir.