Bihar CM candidate ji Modi-i lemtettsü: Manjhi

New Delhi, August 31 (Agencies): Tanü taoba mapang Bihar chief minister Jitan Ram Manjhi-i, taruba election atema state nung NDA nungi chief minister candidate asoshi tetemsü lenir aika lir, ajisüaka tatembang telemtetbaji Ato kilonser Narendra Modi-i agitsü, ta ashi.

“NDA nung lenir tetemsü aika alir. Onoki Ato kilonser Narendra Modi dak temelung lemteter. Pai kechi lemtetdir, ibaji tatembang asütsü,” ta pai ashi.

Tanü Manjhi-i Home Minister Rajnath Singh ajurua senden amenba sülen osangbenertem den jembidang, election agitsü mapang ana nung lir asünungji parnoki Bihar internal security nung temelung agütsür, ta ashi.

“Election mapang nung security junga alitsü, aser election süngjema agitettsü Home Minister dang nungi onoki telangzüba nguogo,” ta paisa ashi.