Bihar election atema HAM-i candidate 13 sangdongogo

Patna, Sept. 18 (Agencies): Patna nungi osang ka ajanga, taoba Bihar chief minister Jitan Ram Manjhi’er party, Hindustan Awami Morcha (HAM)-i Hokolbar nü mezüngbubaren candidate tenüng 13 sangdongogo, ta metetdaktsü.

Manjhi-i Jehanabad district nung Makhdumpur assembly constituency nungi tokteptsü.

Tanü HAM otongdar Danish Rizwan-i, “HAM-i menden 20 atema candidate tem shimogo, ajisüaka onoki mezüngbubaren tarensen nung candidate tenüng 13 dang sangdonger, aser itemji National Democratic Alliance teloktep nung party ajaki agizükogo,” ta ashi.

HAM state Tir Shakuni Choudhary-i Tarapur nungi tokteptsü, taoba minister tem- Brishen Patel-i Vaisali nungi, Anil Kumar Singh-i Tekari nungi, Shahid Ali Khan-i Sursand nungi, Ajit Kumar-i Kanti nungi aser Mahachander Singh-i Gopalganj menden nungi tokteptsü.

Bihar nung Assembly menden 243 atema October 12 aser November 5 na tsüngda telemsa pongu nung election agitsü aser November 8 nü vote azüngtsü.