Bihar election atema LJP-i candidate 12 sangdongogo

New Delhi, September 18 (Agencies): Bihar assembly election atema tanü NDA den teloktep party, LJP-i mezüngbubaren tarensen nung candidate tenüng 12 sangdongogo, aser parnok rongnung Union Minister Ram Vilas Paswan adianu ka densema lir.

Union Minister Ram’er adianu Pashupati Kumar Paras ya state LJP tongti lenir lir, aser pai Alouli assembly menden nungi tokteptsü.

Tanü candidate tem tenüng sangdongba mapang LJP Parliamentary Board chairman, Chirag Paswan-i, menden 40 nungi menden 29 atema BJP aser NDA teloktep nung tanga party tem den melungtepogo, aser tanüngba menden 11 atema tang tejembitak lir, ta ashi.

Ano Gobindganj menden nungi taoba mapang MLA Rajan Tiwari’er adianu Raju Tiwari tokteptsü.

Tanüngba candidate temji Vibhutipur menden nungi Ramesh Singh, Anil Chaudhary (Cheria Beriarpur menden), Subash Chandra Bose (Sikandara), Engineer Himanshu Kumar (Jamaalpur), Amar Kushwaha (Nathnagar), Satendra Singh (Fatuha), Vijay Paswan (Triveniganj), Sarita Paswan (Sonvarsha) aser Yusuf Khan (Simri Bakhtiyarpur) nunger lir.

Taoba Hombar nü BJP National Tir Amit Shah-i, Bihar assembly election nung BJP-i menden 160 nungi, LJP-i menden 40, RLSP-i menden 23 aser HAM-i menden 20 nungi tokteptsü, ta sangdonga liasü.