Bihar election: BJP aser AIMIM nati candidate sangdong

New Delhi/Hyderabad, October 05 (Agencies): Taruba Bihar assembly election atema Bharatiya Janata Party (BJP)-i candidate tem tenüng maneni sangdongogo.

Hazipur nungi Awadhesh Kumar aser Paliganj nungi Ram Janam Sharma na tenüng sangdongogo.

Deobar nü New Delhi nung BJP Central Election Committee senden amenba mapang candidate anaji shim.

Tamalen BJP-i tasembuba tenüng tarensen nung candidate 11 sangdonga liasü, item rongnungi Kochadhaman constituency nungi Muslim nunger ka densema lir.

Tang tashi nung BJP-i candidate 155 sangdongogo aser maneni tenüng pongu sangdongtsü anünga lir.

Ano Hyderabad nungi tanga osang ka nung Bihar assembly election atema AIMIM-i candidate tenüng trok sangdongogo.

Hombar nü All India Majlis-e-Ittehadul Muslimeen (AIMIM)-i mezüngbuba tenüng tarensen nung candidate trok sangdong.

Tamalen AIMIM tongti lenir, Asaduddin Owaisi-i, par party-i iba election nung tokteptsü aser Seemanchal region nung terenlok atema inyaktsü, ta sangdonga liasü.

Paisa, election matongdang tanga party kecha den-a melokteptsü, ta metetdakja liasü.