Bihar election dak sentakba nung Amit Shah-i PM Modi ajuru

New Delhi, November 06 (Agencies): Brihostibar nü Bihar assembly election tembangba sülen aonung tesü BJP National Tir, Amit Shah-i Ato kilonser Narendra Modi ajurua liasü.
BJP atema Bihar election ji kanga tongtibang ta tena jembiogo, ta osang angazüker.
Yasüng Union Cabinet senden tembangli Amit-i Modi indang official residence nung pa ajurua liasü. Cabinet senden tembangba sülen Cabinet minister karbo Amit aser Modi na senden nungji denogo.
Exit poll aika ajanga Bihar Chief minister Nitish Kumar-i aniba teloktepi takok angutsü ta takzükgo aser exit poll kar ajanga BJP-i aniba NDA teloktepi takok angutsü ta takzüteta lir.