Bihar election nung ken o tamajung alir candidate aika lir

Patna, October 03 (Agencies): Bihar assembly election tenzüktsü asoshi anogo teku dang lia ADR Data ajanga sayuba agi, Bihar assembly election mezüngbubaren nung tokteper candidate 583 nungi candidate 174 (shilem 30)-i parnok anema temzüng alema inyakba ken o balala benoka aliba pei sasa sangdongogo.

Item candidate rongnung candidate 130 (shilem 22)-i nisung tepsetba ken o, nisung tepsettsü merangba ken o, tetsürtem anema inyakba ken o balala densema ken o tamajung parnok anema benoka aliba sangdongogo.

Item rongnung candidate 16 anema nisung tepsetba ken o aser candidate 37 anema nisung tepsettsü merangba ken o benoka lir.

Nisung tepsettsü merangba ken o alir candidate rongnung- Bahujan Samaj Party (BSP) candidate 1, BJP candidate 1, JD(U) candidate 3, Jan Adhikar Party (Loktantrik) candidate 1 aser Independent candidate 1 densema lir.

You must be logged in to post a comment Login