Bihar election osangji Modi dak sentaka mali: BJP

Patna, November 05 (Agencies): Bihar assembly election nung BJP in-charge, Ananth Kumar-i, Bihar assembly election nung BJP-i aniba NDA-i tamakok ngura, ibaji Centre nung Ato kilonser Narendra Modi’er sorkari inyaktetba mapatem nung ajemdaker parnok anema vote agütsüba ta meshitettsü, ta ashi.
“Ibaji, Centre nung Ato kilonser Narendra Modi-i aniba sorkari inyaktetbatem nung ajemdaker nüburtemi vote agütsüba ta meshitettsü. Bihar assembly election osangji Nitish Kumar (chief minister) aser (RJD tongti) Lalu Prasad na dak sentaka lir,” ta Ananth-isa ashi.
BJP-i takok angu nunga mesüra tamakok angu nunga ibaji Ato kilonser Modi dak sentaka ali asü (?) ta asüngdangba langzüdang Chemicals & fertilizer Union minister Ananth-i, “BJP-i majority nguogo aser assembly menden asem shilem nung shilem ana angutsü,” ta ashi.
BJP-i aniba NDA-i two-third majority agi takok ngura NDA Chief minister ji BJP nungi asütsü, ta paisa ashi.
“Ibaji (CM menden) assembly nung BJP legislature party-i lemteptsü, ajisüaka tatembangbuba telemtetbajibo Parliamentary Board-i dang agitsü,” ta paisa shisem.
Ananth den BJP general secretary aser Bihar Party affairs incharge, Bhupender Yadav, otongdar Shahnawaz Hussain, taoba deputy Chief minister Sushil Kumar Modi, Opposition lenir Nand Kishore Yadav, party state tongti, Mangal Pandey, Saran MP Janardan Singh Sigriwal aser state general secretary, Surajnandan Kushwaha nungera liasü.