Bihar I-Day anogomung nung bomb apok, tetsür ana yiru

Nawada (Bihar), August 15 (Agencies): Bihar nung Independence Day benjungmung amungba mapang Nawada jila nung aliba school ka nung mejangjaba nisung kari bomb pokdaktsüba lendong nung tetsür ana yiruogo, ta police-i ashi.
Nawada Superintendent of Police, Parvez Akhtar-i, St Joseph Inter School nung linük wako asongba mapang bomb ji apok, iba lendong nung class ti nung azünger tetsür ka aser class ana nung azünger tetsür ka yiruogo, ta ashi.
“Linük anemertem kari iba sentong telitak mapang amak aser school temeket nung kaketshir den tesayurtem dak bomb ana mereploktsü,” ta Akhtar-i ashi.
Iba osang angashia police telok ka tesem jagi yokba sülen melung melemtetba nisung ka puogo, aser tang pa dangji asüngdangyadagi, ta paisa ashi.