Bihar Legislative Council elections nung CM, Nitish Kumar-i takok angu

Patna, Rongchii 19 (Agencies): Bihar Legislative Council elections 2018 nung Chief Minister Nitish Kumar, Deputy Chief Minister, Sushil Kumar Modi, Health Minister Mangal Pandey aser taoba chief minister, Rabri Devi densema yimtenren lenir aika den tetokteper mali takok nguogo.
Legislative council election nung menden 11 atema candidate tem den tetokteper makai shimogo.
Congress party-i candidate ka- Premchand Mishra dang toktepdaktsü, Bharatiya Janata Party (BJP)-i Sanjay Paswan, Sushil Kumar Modi aser Mangal Pandey nunger toktepdaktsü aser Janata Dal United (JDU) nungi Nitish Kumar, Rameshwar Mahato aser Khalid Anwar nungeri toktep.
RJD nungi Rabri Devi, Ramchandra Purve, Syed Khurshid Mohseen aser taoba Chief Minister, Jitan Ram Manjhi’er jabaso, Santosh Manjhi nungeri toktepa liasü.
Prabhat Khabar-i ashiba agi, iba election nung party ajaki kin telemsa nung ajemdaker tokteptsü merangogo. JDU-i minority aser Kushwaha nunger nem yimli agütsü, BJP-i Dalit nungera shima toktepdaktsü aser RJD-ia Dalit nunger candidate züngoka liasü.
Nitish Kumar Chief Minister teinyakdak nung tang agi tasembenbuba pa legislative council nung züngsem kümogo. Bihar nung Chief Minister ka legislative council züngsem akumsangji pa dang lir.
Tang shimba Member of Legislative Council nung tejak tasenpur trokji- Sanjay Paswan, Premchand Mishra, Rameshwar Mahato, Khalid Anwar, Syed Khurshid Mohseen aser Santosh Kumar Suman nunger lir.