Bihar nung BJP lenir ana kahset

Patna, February 12 (Agencies): Hokolbarnep Chhapra nung BJP lenir Kedarnath Singh kahseter gondha 12 tsüngda Hokolbar nikongdang Bhojpur district nung Bharatiya Janata Party nung Tatong Tir, Visheshwar Ohja-a memetetba nisung kari kahset.
Ojha dak Patna nungi kilometre 60 shi pilar yimtsüng ka anasa akah. Pa ya Parsaura yimtak kiyim benjung ka nung dener aruba mapang kahset.
Pa den aliba nisung ka den gari anisang dena kanga mejungi yirur lir.
Ojha ya Shahpur referral hospital nung teyaridak nung asü, ta Dr Ajay Kumar-i ashi.
Teyirurtem Sadar hospital-i anir ao aser tena tangbo junga lir, ta doctor temi ashi.