Bihar nung Shiv Sena-i menden 150 nungi tokteptsü

Patna, September 20 (Agencies): NDA teloktep nung densema aliba party, Shiv Sena ya Bihar nungbo NDA den tesentakatep mali, aser tanü parnoki taruba Bihar assembly election nung menden 150 nungi tokteptsü, ta metetdaktsüogo.
Patna nung osangbenertem den jembidang Sena Party National otongdar, Sanjay Raut-i, Maharashtra nung BJP den senteper yimsüsüba party Sena-i Bihar nung menden 150 nungi tokteptsü, ta shiogo.
Bihar nung BJP-i aniba teloktep party temi Nitish Kumar-i aniba JD(U)-RJD-Congress teloktep den sashia tokteptsü.
Paisa, züngsem 243 aliba Bihar assembly election atema party candidate tem shimba maparen tatemlen kati arudagi aser mezüngbuba candidate tem tenüng tarensenji asüng sangdongtsü, ta ashi.
Shiv Sena-i kechiba BJP-i aniba teloktep den maden ta asüngdangba langzüdang pai, Hindi oshi jembiba tesem (Bihar) nung par party junga amenokner aser nüburtem nem tashi agütsüner, ta ashi.
Yaküm Maharashtra assembly election atongtsü lia menden lemsaba onük nung telemtetba tajung ka dangi maruteti Shiv Sen aser BJP na küm 25 tain teloktepo raksa-a liasü, ajisüaka election osang sangdongba sülen state sorkar akümtsü atema party ana ano longjem.

You must be logged in to post a comment Login