Bihar nung tebur kati sen taila bener lia apu

Patna, January 10 (Agencies): Deobarnü Champaran district, Bihar nung tebur kati sen taila lakh 4 bener lia apu, ta police-i metetdaktsü.
Directorate of Revenue Intelligence (DRI) telok kati iba nisung ya Champaran district kübok aliba Bakhriya yimtak apu. Iba yimtsüng ya Patna nungi kilometre 230 pilar lir.
“Pa ya kasa district nung Balua yimtsüng nungi lir aser pa iba sen taila ya bener nisung kar nem agütsüi aoba mapang apu,” ta district police ketdangpur, Harishchander Thakur-i ashi.
Police-i tang pua alisang tenüng tangtangbo memetetdaktsütsü, ta shiogo.
DRI ketdangpurtemi ano iba ama sen taila amshiba maparen nung shilem agirtem metettsü asoshi pua alisang dang asüngdangya südar.
Pai bena aliba sen taila ya Nepal mesüra Bangaladesh nungi bener aru asütsü akok, ta Thakur-i ashi.