Bihar nung train ka nungi bomb 7 angu

Katihar (Bihar), November 15 (Agencies): North-East Frontier Railway indang Katihar-Malda section nung passenger train ka nungi bomb tenet ngutetogo, ta tanü railway ketdangser kati ashi.
Osang ka lazükba sülen yasüng Railway Protection Force (RPF) aser Government Railway Police (GRP) sepaitem senteper Malda-Katihar passenger train mita reprangba mapang general class compartment ka nung menden ka kübok kibur maliba carton box ka nungi crude bomb tenet angu, ta Superintendent of Railway Police (SRP), Jitendra Mishra-i ashi.
Bomb disposal squad-i bomb ajakji raksaogo, ta paisa ashi.