Bihar nung yi shibangba ajanga India-Nepal arrtsülen yi ayoker bulur

Kathmandu, April 10 (Agencies) : Bihar, India nung yi meshi meshia shibangba ajanga Nepal nung yi ayokertem atema maongka tajungka lapoktsü amai kümogo. Osang ajanga ashiba agi, Bihar nunger dang yi ayoktsü nükjidong nung India aser Nepal na arrtsülen aoksaa ki tila aika süogo.
India linük arrtsülen aliba district nung ketdangsertemi Nepal dang yi shibelenba mapa nokdangtsü nung amalitepa inyaktsü temepishiba ka agütsüogo.
Nepal nunger local yi ayokertemi joko jenjang tali agi ayoktsü tenzükogo, ajisüaka talir aika aliba ajanga item yi aritepa yanglur anungji tanga mapang tang nungi item yi tang tamajungba lir, ta osang kar ajanga shiogo.
“Iba tensa ya ajanga arrtsülen teblemtsü adoktsü akok,” ta Sunsari Superintendent of Police Sandip Bhandari-i ashi.