Bihar nungi Maoist züngsem ti puogo

New Delhi, September 04 (Agencies): Bihar nuing Sashastra Seema Bal, Bihar Police aser Special Task Force na senteper mita aoba mapang Maoist züngsem ta temulung melemi bilemba parnok nisung ti puogo.

Tang pua alirtem ya Tirhut division, Bihar nung Maoist züngsem ajak rongnung aputsü asoshi kanga nüngdaka bushia alisang, Ram Raji Sahni den kanga bendanga agüja inyakertem lir ta temulung melemi bilemer, ta Hokolbar nü ketdangsertemi sangdong ka ajanga metetdaktsüba  mapang Brihostibar nü telungpur mita oa liasü, ta ashi.

Parnok ket nungi country-made pistol .315 ana den injang pezü, electric amshia apokba bomb trok aser Maoist kakettem nguteta lir, ta sangdong ajangsa metetdaktsü.