Bihar toppers ken o nung Prasad aputsü tuyuogo

Patna (Bihar), June 15 (Agencies): Bihar nung class 12 toppers ken o nung Bodhbarnü Bihar nung aliba court kati taoba mapang Bihar School Examination Board Chairman, Lalkeshwar Prasad Singh aputsü tuyuogo. Iba ochimashi ken o nung pa tenüng benokba sülen nungi pa jenshia senzüdar, ta police-i ashi.

Iba ken o nung tongti aibelener Singh-i taoba hopta board nungi anena liasü.

“Class 12 toppers ken o nung Singh tenüng benokba sülen pa jenshia senzüdar. Pa aputsü atema Special Investigation Team state nungi yoktsü,” ta police ketdangser kati ashi.

Tanüsa police-i iba ken o nung Singh indang private secretary ka densema nisung ana puogo.

Ano taoba mapang Bihar nung JDU MLA aser Singh kinüngtsü, Usha Sinha tenünga iba ken o nung benokba sülen laa jenshia senzüdar.

Kasa ken o nung tongti sentong yanglusang, Bachcha Rai bo Honibarnü pua liasü.