Bihar tzümetsüng agi nisung crore 1.2 kongshiogo; nisung 202 süogo

Patna Bihar, August 21 (Agencies): Bihar tzümetsüng lendong nung asürtem nisung 202 jungogo aser state kübok district 18 nung tzümesüng agi nisung crore 1.21 tashi kongshiogo.
Tzümetsüng dak sendakba lendong balala nung asürtemji Araria district nungi timba lir, aser iba district nung nisung 42 asü, Sitamarhi district nung nisung 31, West Champaran nung 29, Supaul nung 13, Madhubani nung 12, Kisanganj nungi 11, East Champaran district nung 11, Darbhanga nung 10, Purnea nung 9, Madhepura nung 9, Katihar nung 7, Sheohar nung 4, Gopalganj nung 4, Saharsa nung 4, Khagaria nung 3, Saran nung 2 aser Muzaffarpur district nung nisung ka asü, ta Disaster Management department-i metetdaktsü.
Tang tashi nung nisung lakh 4.22 relief camp 1,336 nung jenoka lir, ta kasa osang ajanga metetdaktsü.
Tanü nikongdang State Chief Minister aser JD(U) Tir, Nitish Kumar-i party nung inyakertem dang tzümetsüng agi kongshiba tesemtem nung maneni teyaritep mapa inyaktsü ajungshia liasü.
National Disaster Response Force team 28 nungi sepai 1,152-i rong 118 amshia kümzükba aser teyaritep maparen inyakdar, ta state Disaster Management department-i sangdong ka ajanga metetdaktsü.
Ano State Disaster Response Force team 16 nungi sepai 446-ia rong 92 amshia tzümetsüng agi kongshiba tesemtem nung teyaritep mapa inyakdar, iba den külemi army 2,228-i kümzükba mapa nung yaritepdar, ta parnokisa ashi.
Maneni sorochokba tesem 1,879 mesemteta nisung lakh 3.72 nem chiyungtsü agütsüdar, ta kasa sangdong ajangasa metetdaktsü.