Bihar yimtenren lenir gari ajangteta aoba atema lanur ka kahset

Gaya, May 08 (Agncies): Honibar aonung tesü  Janata Dal (United) MLC’er jabasoi class 12 nung azünger tebur ka kahsetogo, ta tanü Bihar Police-i ashi.
Deobarnü aija alisang tebuji puogo.
“Onoki nisung ana puogo, Bindi Yadav aser bodyguard, Bindi Yadav anema benokbaji ozüng alema inyaktsü sentong tamajung asaba aser tai tonglokja alisang kümzüka ayutsü merangba,” ta Gaya SSP, Garima Malik-i ashi.
Taep yakta Bindi ji sota ayu aser police-i bodyguard ji puogo.
Asür, Aditya Sachdeva ji pa tasoba anogo benjung munger kidangi shilangdang pai Rocky meyong gari ajangteta ao.
Iba sülen parnok tsüngda asatepdang Rocky-i Aditya kahset.
Osangbenertem den jembidang Bindi Yadav-i par jabaso pusema, par jabasoji Aditya gari nung mena alirtemi azük, ta ashi.
Yadav-i, “Ozü jabasoi gari ania liasü, aser tanga gari nung mena alir nisung pezüji yi agi meseper liasü. Parnoki pa gari ajangteta ao aser lenmang nung ozü jabaso sot. Iba sülen parnoki pa gari nungi atsüzüka azük,” ta ashi.
“Raratepdang ozü jabasoi license aliba pistol agizük aser ibaji memeti atalok,” ta pai shisem.
Iba dak sentakba nung Janata Dal (United)-i tai tonglokja alirtem nem temerenshi tapet agütsütsü, ta shiogo.
“Ozüng pei kapo nung amer ajak dak tai madoktsü. Iotem nsiungji kümzüka mayutsüla,” ta JD (U) lenir, Ali Anwar-i ashi.