Bihar yimtiba Patna nung BJP lenir Ashok Jaiswal kahset

Patna, August 18 (Agencies): Brihostibar nikongdang Patna, Danapur tesem nung mejangjaba nisung kari district level BJP lenir, Ashok Jaiswal kahsetogo.
Gola Road tesem nung mejangjaba nisungtemi Jaiswal dak injang pezü kahloktsüba sülen pa nija hospital ka nung süogo, ta DSP, Danapur, Rajesh Kumar-i metetdaktsü.
Iba dak sentakba nung nisung ana pua lir, ta paisa ashi.
Iba osang angashiba sülen Union Minister of State, Ramkripal Yadav-i asür ki semdangba mapang pa, nisung tepsetba ya ajanga Bihar nung tzüzüngozüng mebenoktetba aser tensa mejungi aliba kuli sayur, ta aitsü.
Iba tatalokba anema BJP-i Danapur mokdangtsü ayongzük, ta paisa ashi.
“Nisung longsoa aliba tesem nung Jaiswal tepsetba ajangaji Grand Secular Alliance sorkar kübok state nung ozüng alema inyakertemi kecha tsübua maliba sayur,” ta minister-isa ashi.