BILEMDANGTSÜ KAR

– I. Imdang Ozukum. E.Er.Dimapur

1.    Nai Tsüngrembo kanga meimer saka adianubo sempar Tsüngrem oji agi ashir, na nisung tepseter. 1st Yohan 3-14 na teyazür 1st Yohan 4-20, na amang nung lir 1st Yohan 2-11.
2.    Nai mangdang angur asü ? Shiner asü ? Nai bilemba nü nüklai aruba Tsüngremi ashir ta sür teshima no ? Kanga tetsübutsü, kechiyong, Tsüngrem o jagi ashir, shirnoki kü tenüng nung tiyazü ni pongmangogo, ni pongmangogo ta shiner, ni angashiogo. Ainkar shirnoki teyazü shiner, shirnoki pei molungjang külakküpbong agi shiner, parnok mulungjang nung ibai kobika alitsü ? Yerimia 23-25-26, ni ainkertem meyok aji saka parnoki asem, Ni parnok dang mejembi, aji saka parnoki shin. Yerimea 23-21.
3.    Na councilor asü, Tsüngrem tenzüker tajung asü ? Tenzüker tajung, saka nenok temulung nung tako, mokokaji, aser telemsa lira oji anema teyak tesang aser teyazü tejembi. Iba shisatsü temaba nungi aluba masü, saka alima shi aser mojingi agütsüba, Yakok 3:17-18. Saka temaba nungi aluba shisatsüji tamasa temerük, ajisür tesünep ajemalu, temulungjang tanük, yimlibilem tejang tajung agi sünga lir. Tatidaktsü maka anemsü maden. Yabok 3:17-18.
4.    Na kechi nung nokdaka lir, kibong nung, arogo nung tenzükba wadang balala nung, kechi tashi (power) nung nokdaka lir, Na teyanglur? Asü teraksa bener aruba nisung ? Oh? Na teraksatsür ka asünungbo koda tetsübutsü:- Tsüngrem O ji agi kechi ashir? Na teraksatsür na ? Na meraksatsüi liaka, rakzükratemer nisung, shingaia na rakzük raktem mesüaka na ayatai, nai raksatsüba tatem kümerbo, na raksatsütsü, aser na rakzükraktemba nung aniseta kümer külenbo nü dak rakzükraktemtsü. Isaia 33-1.
5.    Tamajung inyaknüba purtem kobika tamajung inyaktsü? Ajiang kibuba yipru mopung, terasaba adokogo, tsüngsang mopung ka tamajung kolak nung aji pokreptsü. Kibuba ain atokbaji pai pei mulungba, inyaknüba meinyak tashi, aser merenem tashi meyipa maotsü, tesülen anogo nung nenoki aji jangjaa metettsü. Yerimea 23:19-29.
6.    Mojing külemnürtem ? Molomi nung mojing-i nü dang kanga pelar ta mashitsü, molumi nung na mojingi consider masütsü mekümzüktsü saka tangar ama mojingi na kangshitsü, nai sasatsü. Isaia 45:9-10 nungji ya shia lir pei teyanglusang den (tokteper) aser chipoi puteber den tokteper pa ayatai, puteper dang ajungli-i nai kechi yanglur? ta mesüra, nü mapai pa teka maket ta ashir asü ? Tasütsü mapang nungbo ajaki teyanglur Tsüngrem bilemtettsü, saka menua doker alitsü. Tsüngrem sensatsüba pur ajak tera tashi leptoktsü. Isaia 5-24.
7.    Aiür asangurtem, nü nübo tajung alidang Tsüngremi na PA atema inyaktsü aginür. Mojingia na arishir. Nai shiba shimtsü, Yisu den Kodak nung teti tatem maka tepela nung ken tena alitsü asü? Mojing den alima nung nü sasa jashia lia nisung-ia sempar Tsüngrem-ia nü dang jashir aser na meimer saka nai mojing shimra koda tesasatsü. Molumi mesen-i nü dak artsü. Mark 9-48. Isaia 66-24. Nü dak sentsü tajung teküp tajung nung ayak mateptsüla Tsüngrem o-i ashir. Livi 19-28.
8.    Tajung inyaktsü memulungertem? Asenok küm kwika alitsü ? Küm 80-a malitsü ? Tajung inyaknüaka meinyaktettsü mapang nü dangi arutsü, asenok tajung inyaktsü pai yanglu. Tajung meinyaknüra? Tangaa süngdong züng nung ano pu ataloka lir, anungji koba süngdong nung tejang tajung metanglir aji lensüker aser aji mi nung inoker. Luke 3:9.
9.    Tasü yipten nungi Tsüngrem metenzüktet: Rongsen ajak toktsür aotsü, o intepba Tsüngrem o ji agi yamai ashir. Takar nisung kati alu nung tsük jenti aru aser pai pei temulong nung shisadanga ashi ni kechi inyaktsu? Kechiaser ni kü tsük konga ayudak maka, aser pai ya ashi ni ya inyaktsü, ni kü jen penzüker tuluba yangludi aser idakji ni kü tsük aser kü rongsen rizüngtsü, aser ni kü nüla dang ashitsü, tanüla küm aika asoshi nü rongsen aika rizünga lir, kazüa liang, chiang jemang pelaa liang. Saka Tsüngremi pa dang ashi, na tamashi, taonungsa nü tanüla nü dak nungi akangtsü. Aser kechi rongsen nai rizung itemji shiba meyong asütsü? Luke 12:16-20.
10.    Face is the index of mind:- Temulungjang tenük. A. Shin: 6-4 Tenük nung ajiteter:- Nü tenükji kechi tenük? Sensamasatsüba tenük. A.Shin 12-17. Ngasangatem tenük: A.Shin 12:13. Shidak reprangba tenük. A.Shin 6-17 Lendong atokdaktsüba tenük: A.Shin 10-10. Tenük tesangwa temulung peladaktsüba tenük: A.Shin 15-30. Temoatsü tenük: A.Shin 25-8. Kecha agia tenük masüngba tenük: A.Shin 27 20(b)
Nai pela-a salemer ama sasapela-a jembiaka nü mulung nung kechi ali ajibo tangari nü tejak nung angur. Teyanglur Tsüngremiang koma asen dak reprangtsü. YA BILEMDANGDI, YISU YAKTA ARUR RENEMA LIDI. Tsüngremi tangatetba nung azünger Moajangma, Amen.