Bindra-i Asia meet nung gold medal angu

New Delhi, September 27 (Agencies): Taoba mapang Olympic champion, Abhinav Bindra-i Asian Air Gun Championship nung Deobar nü air rifle kahshishiba, tebur tarensen nung Gold Medal nguogo.
Dr Karni Singh Shooting Range tesem nung Bindra-i points 208.8 ngua kahtetba ajanga iba gold medal ya angu. Kasa tetoktepba nung külem team nungi Gagan Narang-i pezübuba jenjang aser Chain Singh-i trok buba jenjang nguteta liasü.
Parnok asemprongla ya taruba küm Rio de Janeiro nung akatsü aliba Olympics atema shimtetogo.
Hombar nü tetsürtem air rifle metre 10 kashishiba nung Apurvi Chandela-i shilem agitsü renema lir. Commonwealth nung medal angula, Apurvi-a Rio Olympics nung adentsü shimteta lir.
Tan air rifle kashishiba sentong ya India nung küm pongu sülen akarba lir. Iba ya masüdang 2010 küm Delhi Commonwealth Games kaa liasü.