Binita-i Pond’s Eclectic Model Hunt 2015 takok korang agizükogo

Pond’s Eclectic Model Hunt 2015 takok korang agizükla, Binita Chhetry (Tiyongtsü), 1st runner-up, Kaheli Chophy (Abelen) aser 2nd runner-up, Nandita Saikia (Achijilen) nungeri takok korang agizükba sülen agiba arok noksa ka yangi angur. (Guwahati, December 01)

Guwahati, December 01 (Agencies): Guwahati tsür, Binita Chhetry-i Ponds teloki Guwahati nung ayongba Eclectic Model Hunt 2015 takok korang agizükba osang ka Eclectic Publications nung Managing Director, Tanushree Hazarika-i metetdaktsüogo.
Binita-i temaba jenjang anguba sülen Eclectic Model Hunt 2014 takok korang agizükla, Emika Pakyntein-i Binita nem takok korangji semtsü ta lai ashi.
Guwahati kübok ITA Machkhowa auditorium nung agiba tetoktepba sentong nung Dimapur tsür Kaheli Chophy-i 1st Runner-up aser Guwahati tsürsa, Nandita Saikia-i 2nd Runner-up jenjang ngua liasü.
Tan tetoktepba nung nungtugu fashion designer, Joy Mitra; Vogati Talents nung Managing Director, Shikhar Sidharth; Assemese actor, Vaishalee Siakia; taoba model & pastry chef, Mandakini Das aser nübur temeten asoshi nokdaker, Miani D Shira nunger tetendangertem aliba osang jangjaogo.
Tetsürtem tobur junga alitsü, pei temang junga anepalutsü aser lenisütsüren nung tongti shilem agitsü ajungmesotsü nükjidong nung India kübok Northeast ajunga nung sempet tajung aketba aiürtem shimteta parnok nem nüngdakba tesayuba agütsütsü asoshi Tattva Creations Pvt Ltd-i Pond’s Electic Model Hunt tetoktepba sentong ya kümshi ketdangsüa agir.