Bipasha Basu kobi melii kibong akümtsü

November 18, 2015: Bengali tsür actress Bipasha Basu-i la kibong akümtsü atema telemtetba agiogo.

Tang la Karan Singh Grover den meimteper aser kobi melii tena kibong akümtsü.

Cricket asayar Yuvraj Singh-i Twitter ajanga pa aniasüngba osang prokba sülen Bipasha Basu-i pa nem tenüngsang agüja liasü.

Yuvraj-i twitter ajanga, “Atangji ni aniasüngogo, kechiyong kü akümli piyong atema tembar @hazelkeech nguogo,” ta ashi.

Bipasha Basu-i pa nem tenüngsang agütsüba langzüa Yuvraj-i, “Kanga pelar Bips Kumari, tang nü mapang (aniasüngtsü),” ta langzüba sülen maneni Basu-i, “Kobi melii kü number-a arutsü,” ta langzüba ajanga la kibong akümtsü osang ya jungkai adoka liasü.