Bipasha Basu o Karan na April 30 nü kibong akümtsü

New Delhi, April 24 (Agencies): Bollywood stars- Bipasha Basu aser Karan Singh Grover na April 30, 2016 nü kibong akümtsü aser tena sapurtem kanga pelatepdar. Osangkakettem nung tena kibong akümtsü indang osang balala sangdongogo.
Tamalen online post ka ajanga Bipasha-i, “Kiyimbaji nija sentong asütsü. Tang tashi onok privacy akhümtsübuba atema pelar,” ta metetdakja liasü.
TOI osang ajanga ashiba agi, arishi küm 37 actress Bipasha-i kiyimba tongti sentong atongdar aser lai Karan dang memetetdaktsüi sentong karbo yanglur, ta ashi.
Kasa osang ajanga, kiyimba sentong nung reception malitsü, ajisüaka tenati kiyimba aonung party tila ka ayongzüktsü.
April 29 nü mehendi-sangeet sentong alitsü aser haldi sentongji tasüngnepji alitsü, ta kasa osang ajanga shisem.
Ajisüaka ‘Alone’ film nung shilem agir Bipasha aser Karan natibo tang tashi nung kiyimba dak sentakba osang sangdonga mali.