Biplab Deb Kumar-i tenangzükba agiogo

Agartala, Metsüremi (March) 9 (Agencies): Rogonü Biplab Kumar Deb-i Tripura nung chief minister inyaktsü atema tenangzükba agiogo.
Arishi küm 48 tain Deb-i Metsüremi (March) 6 nü Governor Tathagata Roy den ajurutep aser sorkar akümtsü atema temelaba meshia liasü.
Taküm assembly election nung BJP den teyariteper IPFT-i menden 43 nung takok angu.
Tanü PM Narendra Modi-i anir BJP-i sorkar küma aliba state ajak nungi chief minister tem aden.
Sentong nungsa taoba Tripura chief minister Manik Sarkar aser BJP lennir tejentem LK Advani, Murli Manohar Joshi aser Home Minister Rajnath Singh nungertem aden.