Bishesh Huirem-i Miss International Beauty Queen nung shilem agitsü

September 10, 2016 : Manipur actor Bishesh Huirem India tenüng nung Chonburi, Thailand nung oa Miss International Queen tetoktepba nung shilem agitsü atema renema lir.
November 11, 2016 nü tokteptsü aliba Miss International Queen tetoktepba nung shilem agitsü shimtetba nisung 30 rongnung la-a densemogo, ta The Hindu osangkaket nung shia lir.
Bishesh Huirem ya tebur sürnung tetsür amai bilemer mesüra tetsür sürnung tebur amai bilemer (transgender) rongnung ka lir.
Kr. Huirem ya Manipur tsür aser la fashion o apparel design naprong nung degree ngua lir. La ya northeast entertainment sabang, ‘mobile theatre’ nung ajaki kanga junga metetba nisung ka lir.
Lai shilem agiba ajanga India nem takok bener arutsübasa, ajisüaka iba sentong atema senotsü teyari agütsüner aika mali, ta The Hindu osangkaket nungsa shia lir.
Aji oda süaka tebur sürnung tetsür amai bilemer, model temi India aser international sabangtem nung tetsükdaktsü ajak koktet yonga odar.
Iba amala mesükba nisungji ozüng alema benshirtem ta züngshiba tesem ka nung taküm August ita nung tebur sürnung tetsür amai bilemer, Valentijn de Hingh-i linük balala indang wako agi arba sobutsü sobur ramp nung jaja.
Iba sobutsüji fashion designer Mattijs van Bergen aser anünglak nung sobuba süoshi mesükba design asür Oeri van Woezik nati EuroPride bejongmong den putepa design asüba lir.
Ano India nunga taküm April ita nung ‘India Runway Week 2016’ sentong nung parnok ama nisung temeten atema inyaker Laxmi Narayan Tripathi-i jewellery designer Akassh K Aggarwal atema actress Mandira Bedi den külemi ramp nung jajaa liasü