Bisleri-i plastic pongdang mn 1.1 bendena otsü tasen ka yanglu

New Delhi, April 24 (Agencies): Company karibo parnoki yanglutetba osettem ajanga alima tzü mopung raksatsüba süoki ia agia Corporate Social Responsibly (CSR) atema shisa kaa inyaker, aser item company rongnung Bisleri ya tatishitsü tajung sayuba company ka lir.
Tawa Bisleri International-i Guinness World Record ka yanglua tanaben amshitsü atema plastic pongdang tazüng million 1.1 bendenba ajanga parnok tenüng Limca book of records nung denogo.
CSR dak sentakba parnok mapa tajung ajanga Bisleri-i India sorkar mapatong ‘Swacch Bharat Abhiyan’-a nungiter.
Iba maparen ya October, 2015 nung tenzüka Bisleri-i Mumbai nung aliba school 150 nungi school tanur lakh 2 shi teyari agia iba mapa tasak inyak.
Parnoki kaketshirtem dang plastic osettem recycle asüba ajanga alima kümzükba tesayuba agütsütsü atema sentong aika ayongzüka agi.
Iba takok atema Bollywood actor John Abraham, Swachh Maharashtra Mission, State Mission Director, Sameer Unhale aser nüngtugu nisungtem aiakti Bisleri aser kaketshirtem nem tenüngsang agütsüogo.