Bjorn Europe’er Ryder Cup captain akümer

London, December 06 (Agencies): Europe’er Ryder Cup telok lenitsü atema Denmark nunger Thomas Bjorn tanü, Mongolbar nü captain shimogo.
Küm 2 nung ken ayonga asayaba Ryder Cup golf asayamong nung asemben tashi shilem agia alisang, arishi küm 45 tain Bjorn tan captain akümba sülen par Europe-i United States ket nungi Ryder Cup takok marok tanaben akoktsü khuret benoker lir.
Taruba Ryder Cup asayamong France yimtiba, Paris kübok Le Golf National nung 2018 küm asayatsü ayonga lir.
“Bjorn Europe’er Ryder Cup captain shimba osang pelashishisa sangdonger,” ta European Tour Chief Executive, Keith Pelley-i sangoktsü.
US teloki points 17-11 agi Europe madak takok ngua, US kübok Minnesota nung tentetba Hazeltine National nung taküm, 2016 küm asayaba Ryder Cup asayamong nung Bjorn-i Darren Clarke den yaritepa, Europe’er assistant captain ama shilem agia liasü.