BJP 21 Tuli Mandal-i L. Temjen Jamir pela-a agizük

Dimapur, October 11 (TYO) : L. Temjen Jamir Ex-MLA aser pa den yariteper party lenir ajak BJP 21 Tuli Mandal ajanga pela agizükba sentong ka October 8, 2016 nü F&RMCA hall Tuli nung ayongzüka agi.
Iba sentong nung jembidang L. Temjen-i ashiba agi, pa party nung adenbaji area nüburtem yaritsü aser BJP Nagaland president, Visasolie Lhungou lenisüba kübok party tashi itta odaktsütsü nükjidong nung aden, ta BJP 21 Tuli Mandal Gen. Secy. Imnanungsang Lemtor-i sangdong ka nung metetdaktsü.
“Taruba election nung asen party takok angutsü asoshi party nung züngsem ajaki sentong tapu balala asameyanga inyaktsüla” ta L. Temjen-isa ayongzük.
Sentong nung BJP Nagaland vice president, Imsu Yaden-ia o jembidang, “asenok teka amteper asen party aser nüburtem ajangzüktsü asoshi asenoki ochishir takotet lenir tajung shimtsüla” ta tesentepertem dang shia liasü.
Iba sentong nung Mandal president-i anir, unit office bearers, mandal executives, district & state executives, S. Lepzung Jamir president BMA Nagaland aser party seniors tem ajak dena kangadang takok ngua tembang, ta BJP 21 Tuli Mandal Gen. Secy. sangdong nungsa shia lir.