BJP 21 Tuli Mandal office meshitetba den senden amen

Tuli (Mokokchung), June 07 (TYO): June 07, 2017 nü Rev. I. Meren Jamir-i BJP 21 Tuli Mandal office meshitettsü, aser iba sentong nung BJP district ketdangsertem aser mandal executive züngsemtem ajak dena liasü.
Iba sentong nung jembidang Meren Jamir-i party nung inyakertem dang nüburtem tsüngda yimchiyimjung alitsü atema inyaktsü ajungshiba den külemi lokti nung tesangwa sayurtem asütsü ayongzük.
Paisa party züngsemtem shinga nema yi mejemdaktsütsü atema nokdangtsüla, ta ashi.
Iba sentong tembangba sülen F&RMCA Hall, Tuli Town nung Mandal office ketdangpurtem leniba nung party senden mena liasü aser senden nung minority cell district president, R.N. Nungsang aser general secretary (Administration) BJP Mokokchung district, Moa Imsong natia o tasütsü jembi.
Kasa senden nung BJP state executive, L. Temjen Jamir-ia jembia liasü.
District executive züngsem, I. Toshi Longkumer-i party nung inyakertem dang, taruba General election nung 21 Tuli constituency nungi BJP candidate-i takok angutsü atema kanga meranga inyaktsü ayongzükba den külemi party anema olulu prokbatem nung mamangtsü metetdaktsü.
Paisa, Ato kilonser, Narendra Modi lenisüba nung sorkari tesüiba küm asem nung Centre nung aser Nagaland nung inyaktetbatem metetdaktsü.
Iba senden nung district mahila morcha president, Wt. Alepla aser district kisan cell president, Wt. Azungla nati anir ketdangsertem aden.
BJP 21 Tuli mandal advisor, S. Sendong Ao-i tepela anküp o jembia iba senden tembanga liasü.