BJP 30th Alongtaki Mandal Executive senden amen

Longtho (Mokokchung), April 22 (TYO): Honibarnü Longtho nung BJP 2buba Mandal Executive senden Unit office ketdangpurtem den menogo aser iba senden nung tongti o jembirji- Co-Convener (Finance) & State Executive Member BJP Nagaland, Temjen Imna Along Longkumer liasü.
Iba senden nung jembidang Along Longkumer-i, BJP ya National Party ka lir, anungji party züngsem ajakji tongtibang, ta metetdaktsü.
Paisa, BJP ya Khristan anemba party ka masü, anungji social media ajanga olulu balala prokba nung mamangtsüla saka tera nungi party tashi itdaktsütsü atema rangloker inyaktsüla, ta ashi.
Iba senden ya Wt. Aienla Jamir, Secretary (BJYM) leniba nung agi aser Beth Shalom Centre Longtho Chaplain, Lanunungsang-i sarasadema liasü.
BJP 30th Alongtaki Mandal Tir, Monglu Jamir-i lokti pelaa agizük aser tatong Tir, Lanuakum O leniba nung o lemtepba mapang agia liasü.