New Delhi, May 24 (Agencies) : Mongulbarnü Congress aser Bhartiya Janata party activist temi mapang balala nung Delhi Chief Minister Arvind Kejriwal’er kima longkak ait. Parnoki linük yimtiba Delhi nung electric aser tzü tebilemtsü atema iba longka aita among.
State BJP Tir Satish Upadhyay-i anir BJP atema inyakertemi Delhi nung aliba kibong shia nem tzü aser electric peria agüjang ta takhangba agütsü. Police temi tzü long kahlokja item longkak aitertem senshidaktsü.
Delhi BJP party atema otongdar, Pravin Shankar-i, “Delhi nung tzü aser electric agi kanga anünga lir , ajisüaka Delhi sorkari ibaji atema kecha meinyakteter,” ta IANS osangbenertem dang ashi.
Nija company nem parnoki sen yong electric talila agütsür aser ibaji ajanga kanga nüngdakba mapang nüburtem light mangur, ta pai sorkar nem tai tonglokja ashi.
Delhi Mahila Congress Tir Barkha Shukla Singh-i anir Delhi Pradesh Congress nung tetsür telenia kasa tebilemtsü nung ajemdaker Kejriwal’er kima longkak aita among.
BJP aser Congress teloktem Kejriwal’er kima longkak ait added by asungba on
View all posts by asungba →
You must be logged in to post a comment Login