BJP atema UP nung nashi ya tetsü lir, saka NE nungbo chiyungtsü lir: Owaisi

New Delhi, April 01 (Agencies): Nashi tepsettsü nokdangba onük nung BJP aija tanü Honibarnü AIMIM Tir aser Hyderabad nungi Lok Sabha MP, Asaduddin Owaisi-i, “BJP anemsüji, Uttar Pradesh nungbo parnoki nashi ya ‘tetsü’ ka ama züngshir saka Northeast nungbo chiyungtsü ka ama züngshir,” ta ashi.
Hindu tamangba yimsü nung nashi ya temeshi shiruru ka ama züngshir, aser tawa Uttar Pradesh Assembly elections nung BJP-i takok tulu anguba sülen parnoki nashi kümzüktsü atema inyaker.
Uttar Pradesh Chief Minister, Yogi Adityanath-i state nung ozüng alema nashi tepsetba kitem mita aoba mapang ka nung All India Majlis-e-Ittehadul Muslimeen (AIMIM) tongti, Owaisi-i iba o ya jembiogo.
Northeast nung aliba state tem- Arunachal Pradesh, Mizoram, Meghalaya, Nagaland, Tripura aser Sikkim nungbo nashi tepsetba menokdanger.