BJP candidate-i Badharghat assembly by-election nung takok angu

Agartala, September 27 (Agencies): Tripura nung Badharghat Assembly by-election nung BJP candidate Mini Majumder-i takok nguogo.
Lai votes 5259 agi CPI (M) candidate Bulti Biswas madak takok angu.
BJP candidate Majumder-i votes 20,487 aser CPI (M) candidate Bulti Biswas-i votes 15,212 angu, ta Hokolbarnü Election Commission-i metetdaktsü.
Iba by-election nung Congress candidate Ratan Chandra Das-i votes 9,105 aser SUCI (C) candidate Mridul Kanti Sarkar-i votes 470 nguteta liasü.
NOTA category nung votes 667 liasü, ta EC ketdangsertemisa ashi.
Badharghat Assembly by-election ya September 23 nü agia liasü. Iba constituency nung vote enoktsür nisung 57,906 nungi 79-i dang by-election nung shilem agi.
“Ni ozü constituency nung alirtemi aginüba ama inyaktsü merangtsü” ta Majumder-i tanü ashi.
“Ozü constituency nung alirtemi kü dak tamang akar. Ni parnok ajungtsü atema inyaktsü” ta laisa shisem.
Yaküm April 11 nü MLA BJP Dilip Sarkar asüba sülen Badharghat constituency menden tazüng aküm.