BJP-i Assam nung sorkar tentettsü : Sonowal

New Delhi, November 22 (Agencies) : Sangküm Assam Assembly elections nung BJP-i AGP den aser ano tanga telok tilatem den teloktep akümtsü akok ta Union Minister Sarbananda Sonowal-i ashi.
Sonowal ya Assam nung BJP unit atema tanishir shimogo aser pai ashiba agi, chief minister shibai inyaktsü ta masü saka ochimashiba Congress sorkar agientsü atema ang inyaktsü.
“BJP asalentong angateta aliba tanga yimten teloktem den jembitsü onoki mulunga lir. Onok indang tongti teinyaktsüji nübortemi onok dak temulung lemdaktsütsü atema lir” ta paisa shisem.
Sonowal ya AGP nungi MLA aser MP inyak aser 2011 nung BJP züngsem aküm. 2013-14 kümsük atema pa BJP Assam unit tir inyakogo aser pa lenisüba kübok taoba election nung Assam nungi Lok Sabha menden 14 nungi 7 nung BJP-i takok angu.