BJP-i Delhi, HP, MP, Assam nung takok angu

New Delhi, April 13 (Agencies): Delhi, Himachal Pradesh, Madhya Pradesh aser Assam assembly by election nung BJP-i takok angu aser Congress-i Karnataka nung menden anaprong nung takok angu.
Deobarnü state tenet nung Assembly menden 9 aser Srinagar Parliamentary menden atema by election agia liasü. Item rongnung Karnataka aser Madhya Pradesh na nungi menden anana aser West Bengal, Assam, Rajasthan, Himachal Pradesh aser Delhi shia nung menden kaka liasü.
Delhi kübok Rajouri Garden Assembly by election nung BJP-i takok junga angu aser Aam Aadmi Party-ibo tamakok mejungi ngua liasü.
BJP-SAD candidate, Manjinder Singh Sirsa-i vote shilem 50 dang nungi timba ngua liasü.
Madhya Pradesh nung BJP-i Bandhavgarh Assembly menden nung Congress madak vote tali 25,000 dak temai takok angu.
Himachal Pradesh nung BJP candidate Dr Anil Dhiman-i Bhoranj (SC) Assembly menden nungi takok angu.
Ano Assam nunga BJP candidate Ranoj Pegu-i Dhemaji Assembly by-election nung Congress candidate Babul Sonowal madak takok angu.
Karnataka nungbo Congress-i Nanjangud aser Gundlupet Assembly menden naprong nung takok nguogo.