BJP-i IPS ketdangser ka mapa nung agientsü akhanger

Kolkata, April 03 (Agencies) : State Assembly election süngjema agitettsü mechi nung West Bengal nung dang yimsü tesüdak telok, Trinamool Congress den tesentaktep kanga tashi ita alir, IPS ketdangser ka ageinang ta Deobarnü BJP teloki Election Commission dang takhangba ka agütsüogo.
Indian Police Service ketdangser ka aser Trinamool lenirtemi süpokrem agiba sting operation ka agiba mapang putetogo, ta shia national secretary Sidharth Nath Singh-i anir Bharatiya Janata Party nungi telok ka, West Bengal Chief Electoral Officer Sunil Gupta den ajurutepogo.
“Iba sting operation ajanga IPS ketdangser indang inyakyim aika temai tuteta adokogo. Pa ya Trinamool government den tesentaktep kanga tashi ita aliba nisung ka lir. Iba den külemi tesüiba election tem nunga iba ketdangser yagi EC dena külakzüka liasü,” ta Sidharth Nath Singh-i ashi.
“Anungji election süngjema agitettsü atema election matem tashi iba ketdangser mapa nungi anenjang ta onoki EC den ajurutepa shiogo, ta BJP lenir, Singh-isa ashi.