BJP-i Manipur nung Assembly election ayongayonga akoktsü: Javadekar

Imphal, January 15(Agencies): March 4 nungi 8 tashi agitsü aliba Manipur assembly election nung BJP-i ayongayonga akoktsü, ta BJP nung lennir aser Union Minister Prakash Javadekar-i tanü ashi.
“Taruba Manipur election nung BJP-i akoktsü. Assembly nung menden 60 nungi 49 dak tali akoktsü imlar,” ta pai osangbenertem dang ashi.
“Lenmang nokdangba ajanga nisungtem kangshidar,” ta tang United Naga Council-i lenmang nokdanga aliba ken o nung teinyaktsü tim meinyakba atema pai Chief Minister O Ibobi Singh aija ashi.
“Centre-i anogo asem nung iba tebilemtsü anendaktsütettsü, saka Chief Minister-i anir par teloki state nung central force arudaktsütsü melatsüla. Manipur nung Congress sorkar nükjidongji lemdangtsüba, saka BJP pur nukjidongji nisungtem longjemdaktsür iba ajanga terenlok bener arutsüba lir,” ta Javadekar-isa ashi.