BJP-i RSS anema noktaktsü tasü maiter: Lalu Prasad

Patna, September 22 (Agencies): Tanü Bihar chief minister Nitish Kumar aser RJD tongti lenir Lalu Prasad nati, tashi nung aliba party (BJP)-i RSS anema noktaktsü tasü maiter, ta ashi.
“BJP ya RSS indang tejak nembangtsü medem lir…RSS anema noktaktsüsa parnok tasü maiter,” ta RJD Tir Lalu Prasad-i national private TV channel-i ayongzükba sentong ka nung jembidang ashi.
Chief Minister Nitish Kumar-ia BJP aser RSS na aija, “BJP ya RSS indang yimtenren tentet ka lir. RSS indang tangatetbaji BJP indang tangatetba lir. Iba kuli ya, tawa Delhi nung Ato kilonser aser tanga minister tem anogo asemnü RSS sentong nung adenba ajanga angur. RSS tongtii BJP tebilembaji sayur,” ta ashi.
Lalu Prasad aser Nitish Kumar napronglai temzüng nung melaba ama reservation tayongzükba agüja OBC, SC aser ST nüburtem dang RSS aser BJP sentong nokdangtsüla ta mepishiogo.