BJP-i takok angutsü: Bihar election exit poll

New Delhi, November 05 (Agencies): October 12 nü nungi tenzüka Bihar nung assembly election shilem pongu lemsar agiba tanü tembangogo, aser November 8 nü vote azüngtsü lia News 24-Chanakya exit poll ajanga, BJP-i aniba teloktep NDA-i state assembly menden 243 nungi menden 155 nung takok angutsü aser JD(U)-RJD-Congress teloktepi menden 83 angutsü ta takzüogo.
News X-CNX-ibo JD(U)-RJD-Congress teloktepi menden 130 nungi 140 tsüngda angutsü ta takzüogo. Ano ABP News-ia JD(U)-RJD-Congress teloktepi menden 130 angutsü ta takzüogo.
Maneni C-Voter exit poll ajanga JD(U)-RJD-Cong teloktepi menden 112-132 angutsü ta takzüogo aser News Nation exit poll ajanga JD(U)-RJD-Congr teloktepi menden 120-124 angutsü ta takzüa lir.
India Today Group-Cicero poll ajanga, BJP-i aniba NDA-i menden 113-127 aser JD(U)-RJD-Cong-i menden 111-123 angutsü ta takzüogo.
Tan election dak sentakba nung Election Commission-i, tan Bihar nung agiba election ya otsüsütsüka lir, state nung kodanga tan election amai Lok Sabha mesüra assembly election magidang, ta shiogo.