BJP-i tangalen nungi tanishirtem anir arura Assam nunga tamakok angutsü

Guwahati, November 11 (Agencies) : BJP-i tangalen nungi tanishirtem anir aruba inyakyim manenra Assam nunga Bihar nung ajuruba ama tamakok angutsü, ta Tezpur, Assam nungi Lok Sabha MP, R.P Sarma-i ashi.

Bihar nung tamakok angubaji tangalen nungi tanishirtem anir aruba ajanga lir. Tangalen nungi tanishirtem anir arutsü nüngdak mali kechiyong Assam nung tanishir aser züngsem peria lir, ta Bodbarnü Sarma-i local television ka den sensaksemdang ashi.

Assam nung BJP tashi itta aliba mapang ka aser nisungtemi saklokba mapang ka nung tanga party tem nungi tanishirtem aniokba inyakyim ya anentsüla, ta Sarma-isa shisem.